كرهتك واكرهيني كثر ماكنت اعشقك واهواك *~*خلاص انسي كلام اني أحبك أو تحبيني]

تغيرتي وش اللي غيرك قولي وش اللي جاك
أو انك يوم اخذتي غايتك مني هجرتيني


عطيتك ماتبين وعشت عمري كله برجواك
ولكن ماحسبتك لا انقضى شانك جحدتيني


خساره كان قفت رحلة الاشواق من مرساك
ولا عادت على مرساك من يومك تركتيني


وانا للي حالفن ماخون حبك واحتفل برضاك
أحسب انك إلى مني هويتك ماتهينيني


انا اللي هاجسي لا من سكت صوتي صرخ ناداك
وكل احساس فيني لا ذكرتك جا يهنيني


وشوقي شاربن حبك وقلبي دايمن يضماك
عشقتك لين غيرك بالبشر ماصار يعنيني


وأنا لامن بغيت انساك في لحظه قدرت انساك
وابا القى اللي بدالك في محبتها تنسيني


وأنا يوم اعشقك ياللأسف مغتر في مبداك
وحبيتك على ساس المحبة منك تحييني


ولكن بعد ماقامت مشاعر غيرتي تقراك
كشفت اوراقك اللي غايبه قبل امس عن عيني


وبغيت استخدم اسلوب الغدر وامشي على ممشاك
ولكـن بيني وبينك عهودن ماتنسيني


عرفت السالفه(لا لا) تقولين انت وش دراك
وتبين لي وش اللي أجبرك فجأه تخليني


إذا في بالك انك تتركيني فانطقي بشفـــاك
ابيها تطعن احساسي واقول انك طعنتيني


عشان اقدرعلى كرهك ولا ابغى ذكرك وطرياك
حرام اني أحبك واكتشف انك تخونيني


كرهتك واكرهيني كثر ماكنت اعشقك واهواك
خلاص انسي كلام اني أحبك أو تحبيني


وقولي مايشرفني محبة مثلك وشرواك
عشان اقطع عروقي لنبضت لمحبتك فيني


ابي لامن سمعت احروف كلمة ياولد مبغاك
يموت الحب في قلبي .. وروحي لا تعزيني


بليييييز لاتحرموني من ردودكم